- ट्रेण्डिङ :
एजेन्सी। फिनल्याण्डमा एक किशोरीलाई १ दिनका लागि प्रधानमन्त्री नियुक्त गरिएको छ ।
त्यहाँकी प्रधानमन्त्री सन्ना मरिनले हालै १६ वर्षीया किशोरी आभा मुर्तोलाई एक दिनका लागि प्रधानमन्त्रीको पद हस्तान्तरण गरेकी हुन ।
लैंगिक समानताका लागि उत्कृष्ट देशका रुपमा चिनिने फिनल्याण्डले यसैका लागि यस्तो निर्णय गरेको अन्तराष्ट्रिय सञ्चार माध्यमले जनाएका छन ।
बुधबार एक दिनका लागि प्रधानमन्त्री बनेकी आभा मुर्तोले कुनै नयाँ निर्णय गर्ने वा कानून बनाउने काम गरिनन् ।
उनलाई प्रविधिमा महिला अधिकार विषयमा राजनीतिज्ञहरुसँग दिनभर बैठकमा सहभागी गराइयो ।
प्रधानमन्त्री सन्ना मरिनको यो निर्णयको सर्वत्र प्रशंसा गरिएको छ ।
संयुक्त राष्ट्रसंघको बालिका दिवसको अवसरमा ‘च्यारिटी’का लागि फिनल्याण्ड सरकारले यस्तो कार्यक्रमको आयोजना गरेको बिबिसीले जनाएको छ ।
