- ट्रेण्डिङ :
नेपाल कम्युनिष्ट पार्टी (नेकपा)को स्थायी कमिटी बैठकमा पार्टीका कार्यकारी अध्यक्ष पुष्पकमल दाहाल प्रचण्डसहितका शीर्ष चार नेताले प्रधानमन्त्री केपी शर्मा ओलीसँग सरकार ढाल्न खोजेको प्रमाण माग गरेका छन् ।
प्रधानमन्त्री ओलीले दुई दिनअघि भारतले आफू नेतृत्वको सरकार ढाल्न खोजेको र त्यसमा नेपालका नेताहरु पनि लागिपरेको गुनासो गरेका थिए ।
प्रचण्डसहित वरिष्ठ नेताद्वय झलनाथ खनाल र माधव कुमार नेपाल तथा उपाध्यक्ष बामवेद गौतमले भारतले सरकार ढाल्न खोजेको भन्ने ओलीको अभिव्यक्तिलाई पुष्टि गर्न माग गरेका एक स्थायी कमिटी सदस्यले जानकारी दिए ।
ओलीलाई नेताहरुले नेपाली नेताहरुको नाम भन्न र प्रमाण देखाउनका लागि आग्रह गरेका छन् । बिना आधार गरिएको भए आपत्तिजनक भएको भन्दै नेताहरुले जनतामा गलत सन्देश गएको टिप्पणी गरेका छन् ।
यसैबीच नेताहरुको प्रश्न सुनेपछि प्रधानमन्त्री ओली बैठकबाट बाहिरिएका छन् । उनी खाजा ब्रेकपछि बैठकबाट बाहिरिएको एक नेताले जानकारी दिए ।
