- ट्रेण्डिङ :
टर्कीको एक प्रसिद्ध स्की रिसोर्टमा भएको आगलागीमा मृत्यु हुनेको सङ्ख्या कम्तीमा ७६ पुगेको छ । टर्कीको गृह मन्त्रालयले यो जानकारी दिएको हो । यस आगलागी घटनामा मारिएका सबैको पहिचान भइसकेको छैन ।
टर्कीका स्वास्थ्यमन्त्री कमल मेमिसोग्लुले दुर्घटनामा ५१ जना घाइते भएको बताएका छन् । यी मध्ये एक जना आईसीयूमा छन् । बाँकी १७ जनालाई अस्पतालबाट डिस्चार्ज गरिएको छ । यो आगो नियन्त्रणमा लिन १२ घण्टा लागेको थियो ।
टर्कीका कानूनमन्त्रीले यस घटनामा ९ जनालाई पक्राउ गरिएको बताएका छन् । पक्राउ पर्नेहरूमा रिसोर्टका मालिक पनि छन् ।
आगो कहिले सुरु भयो ?
बोलुमा रहेको १२ तले ग्रान्ड कार्टल होटलमा मंगलबार स्थानीय समय अनुसार बिहान ३ः२७ बजे आगलागी भएको थियो । यतिबेला होटलमा २३४ जना पाहुना थिए ।
बोलु टर्कीको राजधानी अंकाराबाट १७० किलोमिटर उत्तरपश्चिममा रहेको छ । स्थानीय रिपोर्टका अनुसार तापक्रम अत्यन्तै कम भएकाले दमकललाई त्यहाँ पुग्न एक घण्टाभन्दा बढी समय लागेको थियो ।
