- ट्रेण्डिङ :
हमासले बन्धक बनाइएका सबै नागरिकलाई रिहा नगरे इजरायलसँगको युद्ध विराम सम्झौता रद्द गर्नुपर्ने अमेरिकी राष्ट्रपति डोनाल्ड ट्रम्पले बताएका छन् । आफूले एक वा दुई जनालाई मात्र होइन, सबै बन्धकहरूलाई रिहा गर्न चाहेको पनि उनले बताए ।
इजरायलले युद्ध विराम सम्झौता उल्लङ्घन गरिरहेकोले बन्धकहरूको रिहाइमा अवरोध गरिरहेको हमासले सोमबार बताएको छ ।
‘विगत तीन हप्तामा हाम्रो नेतृत्वले देख्यो कि शत्रुले बारम्बार युद्ध विराम सम्झौताको उल्लङ्घन गरिरहेको छ र सम्झौताका सर्तहरू पालना गरेको छैन,’ हमासले आफ्नो विज्ञप्तिमा भनेको थियो । हमासको यस विज्ञप्तिको प्रतिउत्तरमा इजरायलले पनि बन्दीहरूलाई रिहा नगर्नु सम्झौताको उल्लङ्घन भएको बताएको थियो ।
हमास र इजरायलबिचको युद्ध विराम सम्झौता जनवरी १९ मा लागू भएको थियो । हमासले त्यसयता १६ इजरायली र पाँच थाई बन्धकहरूलाई रिहा गरिसकेको छ । यसको बदलामा, इजरायलले ५६६ कैदीहरूलाई रिहा गरेको छ ।
