- ट्रेण्डिङ :
नेपाली कांग्रेसको आज बसेको पदाधिकारी तथा पूर्वपदाधिकारी बैठकमा रुपन्देही क्षेत्र नम्बर–३ मा आगामी कात्तिक १७ हुने लागेको उपनिर्वाचनबारे छलफल भएको छ ।
सभापति शेरबहादुर देउवा निवासमा बसेको पदाधिकारी बैठकपछि सञ्चारकर्मीहरूसँग कुरा गर्दै नेता अर्जुननरसिंह केसीले उक्त जानकारी दिएका हुन् । बैठक निर्वाचन केन्द्रीत रहेपनि उम्मेद्वार को हुने भन्नेबारे भने कुनै छलफल नभएको उनले बताए ।
उनले भने, ‘नामबारे कुनै चर्चा चलेको छैन । सम्भावना ककसको हुन्छ अहिले भन्न सकिँदैन, उहाँको पनि हुनसक्ला । तर अहिले पार्टीभित्र एकताबद्ध भएर कसरी जाने भन्नेमा केन्द्रित छौं ।’
रुपन्देही–३ बाट निर्वाचित राप्रपा सांसद दीपक बोहोराको निधन भएपछि रिक्त स्थानमा पद पूर्तिका लागि कात्तिक १७ गते उपनिर्वाचन हुँदैछ । बैठकमा बालकृष्ण खाण, शेखर कोइराला पार्टीका तर्फबाट सरकारमा रहेका मन्त्रीहरू पनि सहभागी थिए । तर मन्त्री फेरबदलका विषयमा कुनै छलफल नभएको उनको भनाई थियो ।
