शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
खरायोको मासुभन्दै एक युवकले गाउँलेलाई कुकुरको मासु बेचेको घटना प्रहरीसमक्ष पुगेको छ ।
घटना भारतको बिहार राज्यको पूर्वी चम्पारण जिल्लामा भएको हो । भारतीय सञ्चारमाध्यमका अनुसार गडहिया गाउँ निवासी मंगरु सहनी दैनिकजसो मदिरा पिउने गर्दछन् । मदिराकै लतका कारण उनलाई पैसाको खाँचो भयो ।
पैसाको खाँचो टार्न उनले एउटा जुक्ति निकाले । गाउँकै एउटा कुकुरलाई सुटुक्क मारेका उनले गाउँलेलाई आफूसँग खरायोको मासु रहेको भन्दै धमाधम कुकुरको मासु एक हजार भारतीय रुपैयाँ प्रतिकिलोको दरमा बेच्न थाले ।
सो रकमबाट उनले मदिरा पिउनुका साथै केही साथीलाई पनि पार्टी दिए । मदिराको नशाबाट भोलिपल्ट मुक्त भएपछि मंगरु आफैँले आफ्नो करतुत खुलासा गरेका हुन् ।
आफूहरूलाई खरायोको मासुभन्दै झुक्याएर कुकुरको मासु बेचेको थाहा पाएपछि गाउँलेले मंगरुविरुद्ध प्रहरीमा उजुरी दिएका छन् । भारतीय सञ्चारमाध्यमका अनुसार गाउँलेले नजिकैको झाडीमा कुकुरको काटिएको टाउको र खुट्टासमेत बरामद गरेका छन् ।
