- ट्रेण्डिङ :
कुवेत सिटी, कुवेत अन्तर्राष्ट्रिय विमानस्थलमा भएको ड्रोन आक्रमणपछि विमानस्थलको पुनः सञ्चालनको लागि मर्मत कार्य सुरु गरिएको छ ।
जनरल सिभिल एभिएसन अथोरिटीका कार्यवाहक महानिर्देशक दही अल-ओतैबीले आज बिहान ५:०० बजेबाट क्षतिको मूल्याङ्कन र मर्मत कार्य सुरु गरिएको जानकारी दिएका छन् । उनले भने, "विमानस्थलको अवस्था सामान्य छ र हामी जनतालाई आधिकारिक स्रोतहरूमा भर पर्न आग्रह गर्छौं।"
हिजोको आक्रमणले टर्मिनल १ मा क्षति पुर्याएको थियो, जसका कारण आपतकालीन प्रक्रियाहरू सक्रिय गरिएको थियो । उक्त घटनामा केही कर्मचारी सामान्य घाइते भएका छन्, । उनीहरु अहिले उपचाररत छन्। हिजो बाट उडानहरू सबै बन्द छन । प्रधानमन्त्री शेख अहमद अब्दुल्लाह अल-अहमद अल-सबाहले मर्मत कार्यको निगरानी गरिरहेका छन्।
स्थानीय नागरिक र यात्रुहरूले सुरक्षा र पुनः सञ्चालनको प्रतीक्षा गरिरहेका छन्, भने अधिकारीहरूले चाँडै विमानस्थल सञ्चालनमा आउने विश्वास व्यक्त गरेका छन् ।
