शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
काठमाडौं - देशभर शान्तिपूर्ण रुपमा प्रतिनिधि सभा सदस्य निर्वाचन सम्पन्न भएको छ। बिहीबार सम्पन्न प्रतिनिधिसभा सदस्य निर्वाचनमा ६० प्रतिशत मत खसेको निर्वाचन आयोगले जानकारी दिएको छ।
देशभर बिहान ७ बजेदेखि साँझ ५ बजेसम्म भएको मतदानमा अघिल्ला निर्वाचनको तुलनामा थोरै मत खसेको हो । नेपालमा भदौमा भएको जेनजी आन्दोलनपछि प्रतिनिधिसभा विघटन भएको कारण ताजा जनादेशको आवश्यकता महशुस गरि यो निर्वाचन गरिएको हो ।
निर्वाचन आयोगका अनुसार, देशभर अधिकांश ठाउँमा सामान्य छिटफुट घटनाबाहेक मतदान शान्तिपूर्ण ढंगले सम्पन्न भएको छ । निर्वाचन आयोगले सम्पूर्ण प्रक्रियाको सफलतापूर्वक सम्पन्नमा बधाई दिँदै, मत गनणाको तयारीमा लागेको जनाएको छ र छिट्टै नतिजा प्रकाशन गर्ने जनाएको छ ।
गणतन्त्र स्थापनापछि १८ वर्षमा दुईवटा संविधानसभा र दुईवटा संघीय प्रतिनिधिसभा निर्वाचन भइसकेका छन्। २०४६ सालको राजनीतिक परिवर्तनपछि २०४८, २०५१ र २०५६ सालमा संसदीय निर्वाचन भए पनि, २०७० सालको संविधानसभा निर्वाचनमा सबैभन्दा बढी मत खसेको तथ्यांकले देखाएको छ ।
