- ट्रेण्डिङ :
काठमाडौं - गृहमन्त्री सुधन गुरुङले आज प्रधानमन्त्री बालेन शाहलाई भेटेर आफ्नो पदबाट राजीनामा दिएका छन्।
पछिल्ला दिनहरूमा विवादित व्यवसायीहरूसँगको सम्बन्ध र सेयर कारोबारको विषयमा उठेका प्रश्नहरूले उनलाई राजीनामा दिन बाध्य बनाएको अड्कल गरिएको छ ।
गुरुङले आफ्नो राजीनामा घोषणा गर्दै फेसबुकमा लेखेका छन्, "मैले आफूमाथि उठेका प्रश्नलाई गम्भीर रूपमा लिएको छु।" उनले गृहमन्त्रीको रुपमा आफूले २०८२ चैत १३ गतेदेखि इमानदारीपूर्वक काम गर्दै आएको बताउँदै सबैजनालाई नैतिकताको महत्वलाई सम्झाएका छन् ।
गुरुङको राजीनामा तब आएको हो, जब विभिन्न मिडियाहरूमा व्यवसायीहरूको संगत र सेयर कारोबारको बारेमा थुप्रै समाचारहरू सार्वजनिक भइरहेका थिए। यद्यपि उनले आफ्नो राजीनामा कारणको रूपमा व्यक्तिगत नैतिकताको कुरा गरेका छन ।
उनले फेसबुकमा लेखेका छन "म, सुदन गुरुङ, मिति २०८२ चैत १३ गतेदेखि गृह मन्त्रीको जिम्मेवारीमा इमानदारीपूर्वक काम गर्दै आएको छु । पछिल्ला दिनहरूमा नागरिक स्तरबाट मेरो शेयर लगायतका विषयमा उठेका प्रश्न, टिप्पणी र जनचासोलाई मैले गम्भीर रूपमा लिएको छु।
मेरो लागि पदभन्दा ठूलो कुरा नैतिकता हो, र जनविश्वासभन्दा ठूलो शक्ति कुनै हुँदैन। आज देशमा सुशासन, पारदर्शिता र जवाफदेहिताको माग गर्दै उठिरहेको Gen Z आन्दोलनले पनि यही सन्देश दिएको छ सार्वजनिक जीवन स्वच्छ हुनुपर्छ, नेतृत्व उत्तरदायी हुनुपर्छ। मेरा ४६ जना भाइ बहिनिहरुको रगत र बलिदानी को आडमा बनेको सरकारलाई कसैले प्रश्न गर्छ भने त्यसको जवाफ नैतिकता हो।
त्यसैले, मसँग सम्बन्धित विषयमा निष्पक्ष छानबिन होस् र पदमा रहँदा conflict of interest नदेखियोस र त्यसमा कुनै असर नपरोस् भन्ने उद्देश्यले मैले आजकै मितिदेखि लागू हुने गरी गृह मन्त्री पदबाट राजीनामा दिएको छु।
मैले आफ्नो तर्फबाट नैतिक जिम्मेवारी निर्वाह गरेको छु। अब मेरो अपिल छ, प्रिय सञ्चारकर्मी मित्रहरू, आम नेपाली दाजुभाइ, दिदीबहिनी र युवाहरू, यदि हामी साँच्चै परिवर्तन चाहन्छौँ भने सत्य, इमानदारी र आत्मशुद्धिको बाटोमा सबै उभिनैपर्छ।कति मिडियाकर्मी साथी हरु को कहा कहा स्वीट शेयर छ बिस्तारै आउला, रामराज्यको चाहना राख्नेहरूले त्याग र नैतिक साहस पनि देखाउन सक्नुपर्छ।"
