- ट्रेण्डिङ :
काठमाडौँ - कुवेतको राष्ट्रिय ध्वजावाहक विमान कम्पनी 'कुवेत एयरवेज' ले आफ्ना सम्पूर्ण उडानहरू अर्को सूचना नभएसम्मका लागि स्थगित गरेको छ।
देशको नागरिक उड्डयन प्राधिकरणसँगको समन्वयमा बुधबारदेखि लागू हुने गरी यो निर्णय गरिएको कम्पनीले जनाएको छ। विमान कम्पनीका अनुसार वर्तमान परिस्थिति र सुरक्षा मापदण्डलाई उच्च प्राथमिकता दिँदै उडानहरू बन्द गर्ने निर्णय गरिएको हो।
उडान स्थगनका कारण प्रभावित भएका यात्रुहरूको टिकट पुनः तालिका (Re-schedule) गरिने कम्पनीले स्पष्ट पारेको छ। यात्रुहरूलाई उनीहरूले बुकिङको समयमा उपलब्ध गराएको फोन नम्बर वा इमेलमार्फत नयाँ प्रस्थान समयको जानकारी दिइने कुवेत एयरवेजले जनाएको छ।
