- ट्रेण्डिङ :
कुवेत एयरवेजले कुवेत अन्तर्राष्ट्रिय विमानस्थलको टर्मिनल ४ (T4) बाट आफ्ना उडानहरू पूर्ण रूपमा पुनः सञ्चालन गरेको छ ।
एयरलाइन्सले आवश्यक सुरक्षा तथा प्राविधिक जाँचहरू सफलतापूर्वक सम्पन्न भएपछि उडान सेवा सूचारु गरिएको जनाएको छ। यसअघि केही प्राविधिक कारणवश टर्मिनल ४ मा सुरक्षा जाँचका लागि उडानहरू प्रभावित भएका थिए।
विमानस्थल सुरक्षा अधिकारी र प्राविधिक टोलीको गहन निरीक्षणपछि टर्मिनललाई उडानका लागि पूर्ण सुरक्षित घोषित गरिएको हो । टर्मिनल ४ बाट हुने सबै उडानहरू अब आफ्नो नियमित तालिका अनुसार सञ्चालन भइरहेका छन्। यात्रुहरूलाई विमानस्थल प्रस्थान गर्नुअघि आफ्नो उडानको ताजा अवस्था बुझ्न आग्रह गरिएको छ ।
उडान तालिकाको विवरण कुवेत एयरवेजको आधिकारिक वेबसाइट, मोबाइल एप वा ग्राहक सेवा केन्द्रमार्फत लिन सकिनेछ। एयरलाइन्सले यात्रुहरूको सुरक्षा आफ्नो पहिलो प्राथमिकता रहेको र उडान अवरोधका कारण यात्रुहरूमा पर्न गएको असुविधाप्रति क्षमा प्रार्थी रहेको समेत उल्लेख गरेको छ ।
