- ट्रेण्डिङ :
कुवेत- कुवेतमा मिसाइल तथा ड्रोन आक्रमणमा परी १ जनाको ज्यान गएको छ भने ६३ जना घाइते भएका छन ।
कुवेत स्वास्थ्य मन्त्रालयका अनुसार उक्त आक्रमणमा परी ६३ जना घाइते र ७ जनाको आकस्मिक रूपमा ठूलो शल्यक्रिया (Major Surgeries) गरिएको छ । आक्रमणमा परी एक जना भारतीय नागरिकको मृत्यु भएको कुवेतस्थित भारतीय दूतावास र परराष्ट्र मन्त्रालयले पुष्टि गरेका छन् ।
विमानस्थलका कर्मचारी र यात्रुहरू विष्फोट र भवनका भग्नावशेषका कारण गम्भीर रूपमा घाइते भएका छन्। घाइतेहरूमा टाउकोको चोट, मस्तिष्क रक्तस्राव, हड्डी भाँचिएको र अङ्गभङ्ग भएका बिरामीहरू छन्।
स्वास्थ्य क्षेत्रमा 'हाई अलर्ट', २५ एम्बुलेन्स परिचालन घटना लगत्तै कुवेत सरकारले देशभरका अस्पताल र आपतकालीन सेवाहरूलाई उच्च सतर्कतामा राखेको छ। उद्धार कार्यका लागि विमानस्थलमा तत्काल २५ वटा एम्बुलेन्स परिचालन गरिएको थियो । घाइतेहरूलाई अल-जहरा, अल-अदान र जाबेर अस्पतालमा भर्ना गरी उपचार भइरहेको छ ।
