आश्विन २८, २०७७ बुधवार
•
१४:११:५३ बजे
एजेन्सी । सधैँ विश्वले तानाशाही भन्दै प्रचार गर्दै आए पनि वास्तवमा उत्तर कोरीयाका युवा राष्ट्रपति किम जोगं उन कति भावुक रहेछन् भन्ने कुरा यस पटक खुलासा भएको छ । कोरियन वर्कस पार्टीको ७५ औं वर्षगाँठमा आयोजित सैन्य परेड पछि भाषणमा उनी निकै रोए ।
अन्तरमहादेशीय क्षेप्यास्त्र सहित अत्याधुनिक हतियारको विकास गरेको अत्याुधिनक हतियारहरु प्रदर्शन गरिएको थियो । त्यसमा दशौं हजार नागरिक मध्यरातमा गरिएको परेड हेर्न भेला भएका थिए ।
त्यस पछि संवोधन गर्ने क्रममा किम भावुक भए, चस्मा खोले, अनि खल्तिमा भएको रुमाल निकालेर आँशु पुछे ।
उनले भने, जनताले मलाई आकाश भन्दा पनि उचाईबाट, समुन्द्र भन्दा पनि गहिराईबाट विस्वास गरे, तर मैले जनताका अपेक्षा अनुसार जनतालाई खुसी पार्न सकेको छुईन, म वास्तवमै धेरै धेरै क्षमा चाहन्छु ।
उनले सेनाप्रति पनि उच्च सम्मान व्यक्त गरेका छन् । किमले पुनः सम्हालिदै जनतालाई विस्वास दिलाए, चाहे मेरो शरीर टुक्रा टुक्रा किन नहोस् म जनताका आकांक्षा पुरा गर्न कुनै पनि कार्यक्रम असफल हुन नदिन लाग्छु,भने ।
