- ट्रेण्डिङ :
गण्डकी प्रदेशमा थप २८ नयाँ कोरोना संक्रमित थपिएसँगै कुल संख्या ९९४ पुगेको छ । कोरोना संक्रमण नवलपुर जिल्लामा १२, गोरखा जिल्लामा ३, कास्की जिल्लामा १, स्याङ्जा जिल्लामा ८, बागलुङ जिल्लामा ३ र तनहूँ जिल्लामा १ जना गरि कुल २८ जनामा पुष्टि भएको स्वास्थ्य निर्देशनालय गण्डकीले जानकारी दिएको छ ।
आज थपिएका कोरोना संक्रमितमध्ये नवलपुरको बुलिङटारमा २ जना पुरुष, गैंडाकोट ८ जना पुरुष र २ जना महिला गरी १२ संक्रमित थपिएका छन् । यसैगरि, गोरखामा थपिएका संक्रमित शहिद लखनमा ३० वर्षीया एक महिला, बारपक सुलिकोटमा २ जना पुरुष गरी ३ जना छन् । कास्कीको पोखरा महानगरपालिकामा १ जना पुरुष । स्याङ्जा वालिङमा एक पुरुष र एक महिला, पुतलीबजारमा एक पुरुष, भीरकोटमा ४ पुरुष एक महिला गरि ८ जना संक्रमित थपिएका छन् ।
बागलुङको काठेखोलामा एक महिला र बडिगाडमा २ महिला गरि ३ जना र तनहूँको शुक्लागण्डकीमा एक महिला कोरोना संक्रमण पुष्टि भएको जनाएको छ । संक्रमित २८ को स्वाब परीक्षण राष्ट्रिय जनस्वास्थय प्रयोगशाला काठमाडौं, पोखरा स्वास्थ्य विज्ञान प्रतिष्ठान पोखरा र प्रदेश क्षय रोग केन्द्र पोखरामा गरिएको थियो ।
