शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
सरकारले हालै कोरोना संक्रमित नागरिकले आफ्नो उपचार आफै गर्नु भनी जारी गरेको निर्देशनप्रति नेकपाका वरिष्ठ नेता एवं पूर्व प्रधानमन्त्री माधव कुमार नेपालले गंभीर आपत्ति जनाएका छन् ।
नेता नेपालले आज एक विज्ञप्ति जारी गरी सरकारको उक्त निर्णयका कारण सरकारी अस्पतालले नागरिकको निशुल्क उपचार बन्द गरेर मारमा परेको भन्दै ध्यानाकर्षण भएको जनाएका छन् ।
संकटका बेला सबै नागरिकको अभिभावकको भूमिका निर्वाह गर्नु पर्ने बेलामा सरकारको यो निर्णय अनुचित भएको नेपालद्धारा जारी विज्ञप्तिमा उल्लेख छ ।
सबै नागरिकलाई समान उपचार गराउनु पर्ने दायित्वबाट सरकार विमुख हुन नमिल्ने भन्दै गरीबी, अभाव र बेरोजगारीले पिल्सिएका नागरिकप्रति संवेदनशील नभई जनतामा आतंक सृजना हुने गरी भएको निर्णय विभेदकारी, गैरजिम्मेवार र अनुत्तरदायी भएको टिप्पणी नेता नेपालले गरेका छन् । हेर्नुस् विज्ञप्तिः
