कार्तिक ९, २०७७ आइतवार
•
१३:१४:३९ बजे
राम चन्द्र तिम्सिना
(आवाज)
दशै आयो
दशै संगै दशा आयो !
छोरा परदेश जाँदा
गैरी खेत बन्दकी राखेर
झिकेको बैंकको ऋण फिर्ता
गर्ने मिति आयो !!
छोरा आएन,
बैंकले सूचना निकालेर घरखेत खाईदिने
धम्की आयो !
बैंकको धम्की र बेइज्जत
संगै निन्द्रा हरायो !!
समाज अनुसार चल्नै पर्यो,
परिवार अनुसार बढ्नै पर्यो
बालबच्चाको चित्त बुझाउनै पर्यो,
ईस्टमित्रको मान मर्यादा राख्नै पर्यो !
भारमा सुकाएको मासुले गिज्याए जस्तो लाग्छ,
आंगनमा ठडिएको पिङले जिस्काए जस्तो लाग्छ !
आमा नाङ्गिएको हेर्न पनि सकिएन
श्रीमती नाङ्गिएको हेर्न पनि सकिएन
ॠण धन गरेर खाईयो पनि लाईयो पनि !!
भ्वाँग माथीको भ्वाँग टाल्नु पर्ने,
ङिच्च हाँसेर हिड्नै पर्ने !
साच्चै हजुर,
दशैं होईन
गरीबको झुपडी मा दशा आयो !!
