कुवेतमा लमजुङकी जमुना बि. क को भारतीय प्रेमीद्वारा हत्या भएको छ । जमुनालाई उनकै भारतीय प्रेमीले अक्टोबर २१ तारिक, बुधबार-२०२० का दिन आफ्नै कोठामा हत्या गरेका हुन । जमुनाको अर्को पुरुषसंग सम्बन्ध रहेको कारण आफ्नो प्रेमीले उनको हत्या गरेका हुन । आफ्नै कोठामा सिरानीले मुख थुनेर जमुनाको हत्या गरिएको अरब टाइम्सले जनाइएको छ । मृतकको शरिरमा कुनै चोटपटक र निलडाम नदेखिए पनि उनिहरु बिच झगडा परेको छिमेकीले बताए पछि कुवेत प्रहरीले जमुनाको प्रेमीलाई पक्राउ गरेको थियो भने प्रहरीको अनुसन्धान पछि ती भारतीय नागरिकले आफुले हत्या गरेको स्विकारेका छन । नेपाली राजदुताबास कुवेतका द्वितीय सचिव श्रीकृष्ण सिलवालका अनुसार "भारतीयद्वारा हत्या भएकी नेपाली महिलाको घर लमजुङ र मृतकको नाम जमुना बिक भएको पुष्टि भएको छ । मृतक भारतको बाटो हुँदै कुवेत आएको देखिएको छ । उनले श्रम गरेर आएको कुनै अभिलेख देखिदैन, कुनै कागजात नभएकोले पूरा बिबरण भने पाउन सकिएको छैन । नेपाली राजदूताबाससंग मृतकको परिवारका सदस्यहरुको सम्पर्क भैसकेको हुनाले सम्बन्धित निकायहरुसंग समन्वय गरेर कानुनी प्रकृयामा दूताबास लागि सकेको छ ।"
