सरकारलाई लाज लाग्नु पर्ने १७ कारणहरु

मयूरपाटी डिजिटल पत्रिका

कार्तिक १९, २०७७ बुधवार • १८:५८:०६ बजे

3.0K

बिदेशिहरु संग हात फैलाएर ॠण र अनुदान माग्दा लाज नहुने तर लकडाउनका कारण रोजगारी गुमाएर भोको बस्न बाध्यहरूलाई केहि मनकारीहरूले दैनिक एक छाक भए पनि खाना खुवाँउदा सरकारलाई लाज लागेछ।

सरकारलाई लाज लाग्नुपर्ने १७ कारणहरु :-

१. बंगलादेशले मल सापट दिन्न भन्दा लाज लागेन ?

२. राणाले बनाई दिएको भवनमा प्रधानमन्त्रीको कार्यालय छ लाज लागेन?

३. चीनले बनाई दिएको सार्क केन्द्रमा संसद भवन छ लाज लागेन ?

४. २७ वर्षमा पनि मेलम्ची नआउँदा लाज लागेन ?

५. राजधानीको सडकमा बुंगबुंग धुलो उड्दा लाज लागेन ?

६. पानी परे सडक हिलाम्मे हुन्छन् लाज लागेन ?

७. शहरका हरेक पोलमा एक ट्रक जती तार गुज़ुल्टिएर शहर कुरूप हुँदा लाज लागेन ?

८. अनेकौ भ्रष्टचार काण्डमा कारबाही नहुँदा लाज लागेन ?

९. सडकमा थुप्रिएको फोहोर नउठदा विदेशी पर्यटकले नाक छोपेर फोहरी नेपाल भन्दै हिँड्दा लाज लागेन ?

१०. त्रिपाल भित्र रेल छोपेर राख्नलाई लाज लागेन ?

११. प्र.म.ले नै उटघाटन गरेको बिजुली बस थन्किदा लाज लागेन ?

१२. ३ वर्ष मै मोनो रेल र मेट्रो रेल कुदाउछु भन्दा लाज लागेन ?

१३. ६० लाख युवा विदेशिन बाध्य छन लाज लागेन ?

१४. विदेशी RAW प्रमुखले कुटनीतिक मर्यादा विपरीत सिधै PM लाई भेट्दा लाज लागेन ?

१५. कृषि प्रधान देशमा बिदेशबाट तरकारी, अन्न र फलफूल आयात गर्न लाज लागेन ?

१६. घर घरमा ग्यासको पाईप पुग्छ भनेको तर पुगेन लाज लागेन ?

१७. भोक र ऋणले गर्दा कयौले आत्माहत्त्या गरे लाज लागेन ?

विध्या सुन्दर सरकारको इज्जत ठुलो की जनताको ज्यान प्रश्न यहाँ तेर्सिएको छ !

राम चन्द्र तिम्सिना
(आवाज)