पहिलो पटक चीनीया रक्षा मन्त्री नेपाल आउदै

मयूरपाटी डिजिटल पत्रिका

मंसिर ६, २०७७ शनिवार • ११:१६:११ बजे

1.5K

पहिलो पटक चीनीया रक्षा मन्त्री नेपाल आउदै

अक्टोबर २० र २१ मा चीनीया राष्ट्रपति सि जिन पिगंले नेपाल भ्रमण गरेको एक बर्ष पछि पहिलो पटक उच्च स्तरीय चीनीया अधिकारी नेपाल आउन लागेका छन् ।चीन र नेपालबीच कुटनीतिक सम्बन्ध स्थापना भएको अवसर पारेर चीनीया रक्षा मन्त्री एवं जनमुक्ति सेनाका रकेट फोर्सका कमाण्डर वेई फेङ्हे मंसीर १४ गते नेपाल आउन लागेका हुन् ।

दुबै देशका अधिकारीहरुले औपचारीक रुपमा कुनै पनि जानकारी सार्वजनिक गरेका छैनन् । तर पनि सुरक्षा व्यवस्था कडा पार्ने सहित भ्रमणको तयारीमा सरकारी संयन्त्र परिचालित भएको बुझिएको छ ।भारतसगँ कालापानी, लिपुलेक, लिम्पियाधुरा सहितका मुद्धामा सम्बन्ध चिसिएको पृष्टभूमिमा भारतीय से िर रअ प्रमुखले नेपाल भ्रमण सकेर फर्किए पछि नेपालले चीनीया अधिकारीलाई स्वागत गर्न लागेको हो ।

चीनीया रक्षा मन्त्री नेपाल आउनु दुई दिन अघि भारतीय विदेश सचिव हर्षवद्र्धन श्रृगला नेपाल आउने छन् । उनी फर्किएको भोलीपल्ट चीनीया पाहुनालाई नेपालले उच्च स्तरीय स्वागत गर्नेछ ।यस भ्रमणमा मंसीर १४ मै चीनीया रक्षा मन्त्रीले राष्ट्रपति विद्यादेवी भण्डारी, रक्षा मन्त्रीको जिम्मेवारी समेत सम्हालेका प्रधानमन्त्री केपी शर्मा ओली र प्रधानसेनापति पूर्ण चन्द्र थापासगँ भेटवार्ता गर्ने तय भएको छ ।

साथै रक्षा मन्त्री वेईले चीन नेपाल दौत्य सम्बन्ध स्थापना भएको बर्षगाँठका अवसरमा हुने कार्यक्रममा समेत सहभागीता जनाउने स्रोतले जनाएको छ ।भ्रमणमा चीनीया राष्ट्रपतिको भ्रमणका बेला भएका द्धिपक्षीय समझदारी कार्यन्व्यन एवं रणनीतिक सम्बन्ध र सैन्य सम्बन्धका थप आयामहरुमा समेत चर्चा हुने बताईएको छ । नेकपा विभाजन उन्मुख रहेका बेला एकतामा जोड दिईरहेको चीनले वरिष्ठ अधिकारीलाई नेपाल पठाउनुलाई महत्वका साथ हेरिएको छ ।