लोक तथा दोहोरी गायक तथा हास्य कलाकार रवि कार्कीको ‘माया के रैछ’ बोलको गीत सामाजिक सन्जाल युट्युव मार्फत सार्वजनिक भएको छ । कार्की र गायिका देवि घर्तीको स्वर रहेको 'माया के रैछ' अत्यन्तै मार्मिक गीत बनेको छ, दर्सकहरुको मन जित्न सक्ने कुरामा कार्कीले आसा गरेका छन । प्रविन खत्री (ठुले) को शब्दमा गायक कार्की स्वयमले संगीत भरेका छन् भने, हेमन्त कान्छा रसाइलीले एरेञ्ज गरेका छन ।
गीतमा एक प्रेम जोडि जसमा प्रेमिकालाई घरपरिवारको दबाबले अरु नै केटासँग बिवाह गरेर छुटिन बाध्य भए पछि संयोगले कुनै समय भेट हुँदा एक अर्कोमा आफ्नो मनको बेदनाहरु पोखेको र त्यस्तै बियोगका पिडाहरुलाई प्रस्तुत गरिएको छ ।
उक्त गीतको भिडियोमा गायक कार्की र जुना गुरुङ लगाएतका कलाकारहरुको अभिनय रहेको छ । स्मृती तिमल्सिना (गुरुआमा) को निर्देशनमा तयार भएको सो गीतको म्युजिक भिडियोमा गणेश सापकोटाको छायाँकन र प्रकाश धमलाको सम्पादन रहेको छ ।
