शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेपाल कम्युनिस्ट पार्टी (नेकपा)का अध्यक्षद्वय केपी शर्मा ओली र पुष्पकमल दाहाल ‘प्रचण्ड’बीच बालुवाटारमा भेटवार्ता भएको छ ।
अध्यक्ष प्रचण्ड प्रधानमन्त्री ओलीलाई भेट्न बालुवाटार गएका थिए । दुई अध्यक्षबीच करिब डेढ घण्टा भेटवार्ता भएको छ ।
नेकपाका दुई अध्यक्षबीच आरोप प्रत्यारोप सुरु भएसँगै भेटवार्ता पातलिएको थियो । आइतबार स्थायी कमिटी बैठक बोलाएको नेकपाका दुई अध्यक्षले भेटवार्ता गर्नुलाई अर्थपूर्ण हेरिएको छ ।
दुई अध्यक्षबीचमा आइतबार बोलाइएको स्थायी कमिटी बैठकका बारेमा छलफल भएको स्रोतले जानकारी दिएको छ ।
शनिवार सचिवालयको बैठक बस्नु अघिल्लो दिन करिब २५ दिनपछि फोन सम्वाद गरेर २६ दिनमा भेटवार्ता गरेका ओली प्रचण्ड पछिल्लो समयमा कम भेटघाटमा छन् ।
पार्टीमा बढेको विवादका कारण दुबै अध्यक्षले सचिवालय हुँदै स्थायी कमिटीसम्म आ–आफ्ना प्रस्ताव पेश गरेका छन् ।
नेकपाको स्थायी कमिटी बैठक २८ गते बस्दैछ । यो बीचमा नेताहरुबीच औपचारिक छलफलमा जुटेका छन् । ओली र प्रचण्डबीच पनि स्थायी कमिटी बैठकपछि पहिलो औपचारिक भेटवार्ता हो ।
