नेकपाका केन्द्रिय सदस्य, प्रवास समन्वय समितिका अध्यक्ष युवराज चौलागाईंले नारायणकाजी श्रेष्ठलाई लागेको आरोप उहॉसंग पूर्वाग्रह राख्ने केही व्यक्तिहरु ध्वंसात्मक उद्देश्यका साथ वहॉ बिरुद्ध अनर्गल प्रचारमा जुटेको भन्दै फेसबुक मार्फत ४ प्रति उत्तर बुदा लेखेका छ्न । हेर्नुस् नेता युवराज चौलागाईंले लेखेका बुदाहरु : कमरेड नारायणकाजी श्रेष्ठ अध्ययनशीलता र निष्ठापूर्ण सक्रियताको अर्को नाम पनि हो । आज वहॉसंग पूर्वाग्रह राख्ने केही व्यक्तिहरु ध्वंसात्मक उद्देश्यका साथ वहॉ बिरुद्ध अनर्गल प्रचारमा जुटेका छन् ।
१) कमरेड कमानसिंह लामाको असामयिक मृत्यु पश्चात नारायणकाजी श्रेष्ठलाई वहॉको व्यक्तिगत र व्यावसायिक जीवनसंग जोड्न खोजिएको छ । तर, स्वयं कमानसिंह लामाले कतै नारायणकाजी श्रेष्ठको नाम लिएर त्यसरी बोल्नु भएको छैन ।
२) सार्वजनिक गरिएको भिडियो र अडियो रेकर्डमा नारायणकाजी र कमान वा अन्य कोही बिचमा आर्थिक सौदाबाजी देखिंदैन । बरु, त्यहॉ नारायणकाजी कमरेडले अरु दुई पक्ष बीच बिबाद मिलाउने तेश्रो पक्षका रुपमा अविभावकीय भूमिका खेलेको प्रष्टै बुझिन्छ ।
३) कुनै पक्ष पीड़ित छ र त्यसमा कमरेड नारायणकाजी प्रत्यक्ष/परो़क्ष संलग्न हो भने वहॉबारे कानुनी उपचार, अनुसन्धानका लागि स्वयं वहॉले खुल्ला आह्वान गर्नु भएको छ । प्रमाण छन् भने कानुनी उपचारमा जान पीड़ित पक्षलाई ढोका खुल्ला छ र वहॉले त्यो परीक्षा उत्तीर्ण गर्न तयार भएको सार्बजनिक गर्नु भएको छ।
४) यस प्रकरणसंग सम्बन्धित आधिकारिक दुई पक्षहरु याम्बालिङ जलबिद्युत कम्पनी र मृतक क. कमानसिंहको पत्नी इन्द्रमाया लामाले आफ्ना औपचारिक भनाईहरु सार्वजनिक गरिसकेको अबस्था छ । ती बक्तव्यहरु अध्ययन गर्दा आर्थिक लेनदेन जस्तो कुनै कुरा नभएको र कमरेड नारायणकाजीले मध्यस्थता गर्नु भएको प्रस्ट हुन्छ । उपरोक्त तथ्यहरुलाई अनदेखा गरी कमरेड नारायणकाजी श्रेष्ठमाथि प्रहार गर्नेको नियत के हो ? तथ्य बिपरित गरिएको हमला व्यक्ति वा उसका कमजोरी माथि हो कि उसको आस्था, अड़ान र राजनीतिक उद्देश्य माथि हो ? प्रस्टै छ, उनीहरु नारायणकाजी श्रेष्ठको नाम लिई नाङ्लो ठटाएर हात्ती तर्साउन खोज्दै छन् । बुझे हुन्छ, आजको युगमा बरु आफ्नै नांङ्लो फाट्ला, हात्ती तर्सिंदैन ।
