- ट्रेण्डिङ :
नायिका वर्षा शिवाकोटीले आफू र चर्चित हाँस्यकलाकार मनोज गजुरेललाई जोडेर गरिएको गलत प्रचारको खण्डन गरेकी छन् । उनले सामाजिक सञ्जालमा स्टाटस लेख्दै यस्ता गलत हल्लाहरुको पछि नलाग्न आफ्ना समर्थकलाई आग्रह गरेकी छन् ।
यसअघि केही मिडियाहरुमा मनोज गजुरेल र नायिका शिवाकोटीको विवाह हुन लागेको भन्दै समाचार तथा गसिपहरु सार्वजनिक भएका थिए । यस विषयमा प्रष्ट पार्दै वर्षाले यस्ता प्रचाहरु देख्दा दया लागेको बताएकी छन् ।
उनले यथार्थभन्दा निकै पर पुगेर गरिएका यस्ता गलत प्रचारले पत्रकारिता क्षेत्रनै बद्नाम भएको बताएकी छन् । कलाकार भन्दैमा उसको बारेमा जे पनि लेख्न र भन्न पाइन्छ भन्ने विक्षिप्त मानसिकता हटाउन सुझाव पनि दिएकी छन् ।
