प्रचण्ड समूहबाट आएको भोलिपल्टै प्रभु साहले मन्त्रालयको जिम्मेवारी पाएका छन । छ दिन अघिमात्रै प्रभु साहले ओलीको संसद विघटन गर्ने कदमलाई ‘आत्मघाती’ बताएका थिए । उनले फेसबुकमा प्रतिनिधि सभा बिघटनको निर्णय आत्मघाती भन्दै स्टाटस लेखेका थिए ।
प्रचण्ड- नेपाल समूहबाट माधव कुमार नेपाल अध्यक्ष बनेपछि साह असन्तुष्ट बनेका थिए। मंगलबार र बिहीबार दुई दिन बसेको प्रचण्ड- नेपाल समूहको बैठकमा साह सहभागी थिए।
पार्टीमा दुई अध्यक्ष राख्नु हुँदैन भनेर उनले सार्वजनिक वक्तव्य समेत दिएका थिए।
रौतहट क्षेत्र नम्बर ३ बाट निर्वाचित साह नेपालसँग पार्टी एकतादेखि नै असन्तुष्ट बन्दै आएका थिए।नेकपाको अन्तर्संघर्षमा साह तटस्थ रहँदै आएका थिए। मन्त्री हुने भएसँगै साह ओली समूहमा लागेका थिए ।
