शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
नेकपाको प्रचण्ड-माधव समूहका नेता सुरेन्द्र पाण्डेले संसद विघटनविरुद्धको रिटमा आउन सक्ने फैसलालाई लिएर अदालतलाई खबरदारी गरेका छन् । उनले संसद विघटनलाई अदालतले खारेज गर्नुपर्ने बताएका छन् ।
शनिबार काठमाडौंमा धादिङ-काठमाडौं सम्पर्क मञ्चको प्रचण्ड-माधव समूहको भेलालाई सम्बोधन गर्दै नेता पाण्डेले प्रधानमन्त्री केपी शर्मा ओली नयाँ राजा बन्ने प्रयासमा रहेको भन्दै अदालतले उनको कदम रोक्नुपर्ने बताए ।
नेता पाण्डेले प्रतिनिधि सभा विघटन जस्तो असंवैधानिक र अलोकतान्त्रिक कदम चाल्ने ओलीले भोलि अदालत पनि विघटन गर्नसक्ने आशंका गरे । उनले प्रश्न गरे, ‘आज संसद विघटन गर्ने ओलीले भोलि अदालतनै विघटन गरे भने के हुन्छ ?’
नेता पाण्डेले कुनैपनि हालतमा संसद पुनःस्थापना हुनै पर्ने जिकिर गरे । उनले नयाँ राजा बन्ने प्रयासमा नलाग्न ओलीलाई समेत चेतावनी दिए ।
