- ट्रेण्डिङ :
पुष ५ गते प्रधानमन्त्री ओलीले पार्टी भित्र विवादको झाँेकमा संसद विघटन गरे पछि त्यसको प्रतिकारमा उत्रिएको प्रचण्ड माधव समुहले पुष १४ गते राजधानीमा बिशाल र्याली निकाल्ने भएको छ । देशभरबाट कार्यकर्ता जम्मा पारेर करीब ५० हजारदेखि १ लाख सम्मको मास प्रदर्शन गर्ने तयारी भएको पार्टी प्रवक्ता नारायणकाजी श्रेष्ठले जानकारी दिए । त्यस अघि पनि साना ठूला प्रदर्शन जारी रहने र पार्टीको तल्लो कमिटि स्तरमा भेला बैठक जारी राख्ने उनले बताए ।
यसको व्यवस्थापन र तयारीका लागि प्रवक्ता नारायणकाजी श्रेष्ठको नेतृत्वमा २५ सय १ सदस्यीय जनआन्दोलन परिचालन समिति समेत यस अघि नै यस समुहले बनाएको छ । नेकपाको संसद र केन्द्रीय समितिमा पूर्ण बहुमत रहेको यो समुहले संसद पुनस्थापना गर्नु पर्ने माग गर्दै आएको छ । शक्ति प्रदर्शनबारे थप तयारी गर्न आज सचिवालयको बैठक समेत पेरिसडाँडामा बसेको थियो । यो समूहले आउँदो २० गतेसम्म सबै प्रदेश र गाउँपालिकास्तरका भेला सम्पन्न गरिसक्ने निर्णय गरेको थियो ।
