- ट्रेण्डिङ :
नेपाल कम्युनिष्ट पार्टी (नेकपा) को प्रचण्ड–माधव समूहले राजधानीमा आज जनप्रदर्शन गर्दैछ । संसद विघटन विरुद्ध आज बृहत् जनप्रदर्शन गर्ने लागेको हो । देशभर हुने उक्त बिरोध प्रदर्शनमा उक्त पार्टीले हजारौं नेता तथा कार्यकर्ता सडकमा ओराल्ने प्रचण्ड–माधव समूहको तयारी छ ।
त्यसैगरी राजधानीमा पनि सो पार्टीले ठूलो संख्यामा जनताहरुको उपस्थिति गराउने भएको छ । मंगलवारको उक्त जनप्रदर्शनमा राजधानीका विभिन्न क्षेत्रहरुको नेतृत्व विभिन्न नेताहरुले गर्ने भएका छन् ।राजधानीमा हुने प्रदर्शनमा सहभागी हुन काठमाडौं उपत्यका वरपरका जिल्लाबाट समेत कार्यकर्ता सहभागी भएका छन् ।
ती क्षेत्र र त्यसको नेतृत्व निम्न नेताहरुले गर्ने भएका हुन् ।
मैतिदेवीः हरिबोल गजुरेल ,नक्साल चोकः देवेन्द्र पौडेल,लैनचौरः जनार्दन शर्मा,एन।सी।सी न्यूरोड गेटः अष्टलक्ष्मी शाक्य
टेकु– युवराज ज्ञवाली,कुलेश्वरः बेदुराम भुसाल,कुपण्डोलः पम्फा भुसाल,नयाँबानेश्वरः गिरिराजमणी पोखरेल र लिलामणी पोखरेल
रत्नपार्क शान्ति बाटिकाः मुकुन्द न्यौपाने,त्रिचन्द्र क्याम्पसः योगेश भट्टराई,पूरानो बसपार्कः अमृतकुमार बोहरा,बागबजारः बर्षमान पुन,बाल्मिकी क्याम्पसः गणेश शाह ।
