- ट्रेण्डिङ :
१. छिमेकी मुलुक चीनका एक १४ वर्षीय किशोर विश्वकै सबैभन्दा अग्ला किशोरको रुपमा गिनिज बुकमा दर्ज भएका छन् । रेन केयुको शरीरको उचाइ ७ फिट ३ इन्च रहेको छ । तपाईलाई अचम्मै लाग्ला कि ३ वर्षकै उमेरमा उनको शरीरको उचाइ लगभग ५ फिट थियो ।
२. बेलायतको बर्मिङघममा बस्ने ली शटकेभरले जम्मा ३ मिनेटमा १० वटा जाम डोनट खाएर गिनिज विश्व रेकर्ड कायम गरिन् । उनले तय गरिएको समयभन्दा १० सेकेण्ड अगाडि नै १० वटा डोनड बुत्याएकी थिइन् ।
३. अष्ट्रियाको साल्सबर्गमा बस्ने स्टेफनी मिलिंगरले L-Seat straddle presses to handstand खेलको नयाँ गिनिज बुक अफ वर्ल्ड रेकर्डस् कायम गरेकी छन् । उनले लगातार ४०२ पटक यो खेल देखाएकी छिन् ।
४. जाइला नामकी किशोरीले ३० सेकेण्डमा ३०७ पटक बास्केटबल बाउन्स गराएर विश्व रेकर्ड कायम गरेकी छिन् । यसो गर्ने क्रममा उनले ४ वटा बास्केटबलको प्रयोग गरेकी थिइन् ।
५. भारतीय नागरिक जोरावर सिंहले रोलर स्केट्स स्किपिङमा विश्व रेकर्ड कायम गरे । उनले मात्र ३० सेकेण्डमा रोलर स्केट्समा १४७ पटक स्किप्स गरे ।
