आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नेकपा ओली समूहका अध्यक्ष तथा प्रधानमन्त्री केपी शर्मा ओलीले नेपाल कम्युनिष्ट पार्टी (नेकपा) देश र जनताको पक्षमा लड्ने पार्टी भएको बताएका छन् । सो पार्टीको अध्यक्ष आफू मात्र रहेको दावी गरेका छन् ।
नेकपाले धनगढीमा आयोजना गरेको जनसभालाई सम्बोधन गर्दै ओलीले नेकपा नेपाली जनताको पार्टी भएको सो पार्टीको अध्यक्ष आफू रहेको बताए । उनले भने, ‘यो पार्टी नेपाली जनता हो, यो पार्टीको अध्यक्ष म हुँ ।’
नेकपामा प्रचण्डलाई आफूले काम लाग्छ कि भनेर ल्याएको भन्दै काम नलागेको उनले बताए । उनले भने, ‘काम लाग्छ कि भनेर प्रचण्डलाई मैले पार्टीमा ल्याएको थिएँ, धेरै डल्ला साबुन सिद्दियो, पानी सिद्दियो, जस्ताको जस्तै ।’
प्रचण्ड र माधव नेपालप्रति संकेत गर्दै उनले नेताहरु परिवर्तन हुन नसकेको आरोप लगाए । उनले नेताहरुले आफ्ना नातागोताका लागि र आफ्नो स्वार्थका लागि मात्र काम गरेको आरोप लगाए । उनले भने, ‘मन परिवर्तन गर्नुस, मानसिकता परिवर्तन, देशतिर फर्काउनुस, देश विकास गराउनेतिर लगाउनुस, उहाँहरुको ध्यान कता छ ?’
