धनगढी - प्रधानमन्त्री केपी ओली सहभागी धनगढीको आमसभाबाट प्रहरीले सात युवालाई पक्राउ गरेको छ ।
‘निर्मला पन्तको बलात्कारी खै ?’ लेखिएको सेतो टिसर्ट लगाएर कार्यक्रममा आएका सात यूवालाई प्रहरीले पक्राउ गरेको हो । प्रहरी स्रोतका अनुसार उनीहरु सेतो टिसर्टमा कार्यक्रममा आएका थिए तर विरोध गर्ने वा नारावाजीमा उत्रेका भने थिएनन् ।
‘‘निर्मला पन्तको बलात्कारी खै ? लेखिएको सेतो टिसर्ट लगाएर कार्यक्रममा पुगेका रहेछन, विरोध गर्ने वा नारावाजीमा उत्रने भने उनीहरुले गरेका थिएनन, उनीहरु ७ जनालाई नियन्त्रणमा लिइएको छ,’ जिल्ला प्रहरी कार्यालय कैलालीका एक प्रहरी अधिकृतले भने।
