अमेरिकी राष्ट्रपति डोनल्ड ट्रम्पलाई तत्कालै पदबाट हट्न दबाब

मयूरपाटी डिजिटल पत्रिका

पौष २५, २०७७ शनिवार • १०:५३:५२ बजे

1.1K

अमेरिकी राष्ट्रपति डोनल्ड ट्रम्पलाई तत्कालै पदबाट हट्न दबाब बढेकाे छ । अमेरिकी सभामुख न्यान्सी पेलोसीले ट्रम्पले तत्काल ह्वाइट हाउस छाड्न आग्रह गरेकी छन् ।

ट्रम्पले तत्काल राष्ट्रपति कार्यालय खाली नगरे उनीमाथि महाअभियोग लगाइने चेतावनी सभामुख पेलाेसीले दिएकी छन् । उनीमाथि नछाडे संसदमा आक्रमण गराएको घटनामा अभियाेग लगाउन सकिने पेलाेसीकाे भनाइ छ । स्वेच्छाले नहटे संसदले कारबाही थाल्ने भन्दै पेलोसीले बेलैमा पद त्याग्न चेतावनी दिएकी हुन् ।

न्यान्सीले ट्रम्पले खतरनाक देशद्रोहको काम गरेको भन्दै रिपब्लिकन सांसदहरुले पनि ट्रम्पलाई अब तत्कालै पदबाट निस्कन दबाब दिनुपर्ने बताइन् । हुन त ट्रम्पकाे कार्यकाल यसै पनि जनवरी २० मा सकिन लागेकाे छ । तर उनले सजिलै पद छाड्न अस्वीकार गरेमा र संसद हमलाकाे घटनाजस्तै अन्य घटना दाेहाेरिन सक्ने त्रास समेत फैलिएकाे छ ।

पेलाेसीले भने हालै भएकाे संसद आक्रमणमा संलग्न जाेसुकैमाथि कानुनी कारबाही गरिने जनाएकी छन् । उनले साे घटनाका क्रममा मारिएका एक प्रहरी अधिकारीको सम्मानमा संसदको झण्डा आधा झुकाउन पनि निर्देशन दिएकी छन् । अहिलेसम्म संसद आक्रमणकाे घटनामा १ प्रहरीसहित ५ जनाले ज्नान गुमाएका छन् ।