आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
प्रधानमन्त्रीको प्रस्ताव र मन्त्रिपरिषद्को सिफारिसमा राष्ट्रपति विद्यादेवी भण्डारीले प्रतिनिधि सभा विघटन र मध्यावधि निर्वाचन घोषणा गरेपछि नेपाली राजनीतिको माहौल एकाएक बदलिएको छ ।
कोरोना महामारीको समेत वास्ता नगरी राजतीनिक दलहरु सभा, बैठक तथा गोष्ठीहरुको आयोजना भइरहेको छ । सत्तारुढ नेकपाकै एउटा समूह प्रचण्डमाधव समूह सडकमा सरकार र संसद विघटनको विरोधमा आन्दालन गरिरहेको छ ।
सत्तारुढ नेकपाको ओली समुह भने आगामी चुनावको तयारी भन्दै विभिन्न भेला तथा जनसभा गर्दै हिँडिरहेको छ । यस्तै प्रमुख प्रतिपक्ष नेपाली कांग्रेसले पनि सरकारको कदमको विरोधमा सडक संघर्षलाई अगाडि बढाइरहको छ ।
आज प्रधानमन्त्री ओलीले प्रज्ञा भवनमा युवा संघ नेपालको बागमती प्रदेशले आयोजना गरेको भेलामा सम्बोधन गर्नेछन् । प्रधानमन्त्रीको सम्बोधनअघि काठमाडौंका विभिन्न स्थानबाट ओली समर्थक युवाले र्याली पनि निकालेका छन् ।
यस्तै कांग्रेसको पनि प्रदर्शनी मार्गमा जनसभा तथा विरोध कार्यक्रम रहेको छ । त्यहाँ पनि कांग्रेसका शीर्ष नेताले सम्बोधन गर्ने बृहत विरोध सभा आयोजक समितिले जनाएको छ ।
यता नेकपाकै पुष्पकमल दाहाल प्रचण्ड र माधव कुमार नेपाल समूहले पनि चरणवद्ध विरोधका कार्यक्रमहरु सार्वजनिक गरिसकेको छ । चावहिलमा हुने प्रशिक्षण सभामा प्रचण्ड, झलनाथ खनाललगायतका नेताहरु सहभागी हुँदैछन् ।
