आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
सत्तारुढ नेपाल कम्युनिष्ट पार्टी (नेकपा) प्रचण्ड–माधव समूह निकट अनेरास्ववियूले आयोजना गरेको बयलगाडा प्रदर्शनमा प्रहरीले लाठीचार्ज गरेको छ । माइतीघरमा सरकारको विरोध गर्दै बयलगाडा प्रर्दशनमा प्रहरीले लाठी चार्ज गरेको हो ।
प्रधानमन्त्री केपी शर्मा ओलीले संसद विघटन गरेपछि अनेरास्ववियूले निरन्तर रुपमा विरोधको कार्यक्रम गर्दै आएको छ । त्यस्तै प्रचण्ड–माधव समूहको नेकपाले पनि सरकारविरुद्ध चरणवद्ध आन्दोलनको घोषणा गरेर विरोधको कार्यक्रमहरु गरिरहेको छ ।
अनेरास्ववियूले दोस्रो चरणको कार्यक्रम अन्तरगत आज बयलगाडा प्रर्दशन गरेको हो । गणतन्त्र प्राप्तिको आन्दोलन चलिरहेको बेलामा प्रधानमन्त्री ओलीले ‘नेपालमा गणतन्त्र आउनु भनेको बयलगाडा चडेर अमेरिका जानु जस्तै हो’ भन्ने अभिव्यक्ति दिएका थिए । तर, ओली गणतन्त्र आएपछि दुई पटक प्रधानमन्त्री बनीसकेका छन् ।
अनेरास्ववियूले काठमाडौं उपत्यकामा मात्र माइतीघर, पाटन र भक्तपुरमा गरि तीन ठाउँमा बयलगाडा प्रर्दशन गरेको छ । पाटन क्याम्पसबाट बयलगाडासहित प्रदर्शन गर्न खोज्दा भने प्रहरीले हस्तक्षेप गरी गाडा नियन्त्रणमा लिएको छ ।
