- ट्रेण्डिङ :
सुनकोशी गाउँपालिकाको अध्यक्ष र उपाध्यक्षको कार्यकक्षबाट प्रधानमन्त्री केपी शर्मा ओलीको फोटो हटाएका छन् ।
प्रधानमन्त्री ओलीको फोटो हटाएर नेकपा अध्यक्ष पुष्पकमल दाहाल प्रचण्डको फोटो राखिएको पाइएको छ । सरकारी कार्यालयमा राष्ट्रपति र प्रधानमन्त्रीको फोटो राख्ने चलन छ । सोहीअनुसार, सुनकोसी गाउँपालिकाको कार्यालयमा यसअघि राष्ट्रपति विद्यादेवी भण्डारी र प्रधानमन्त्री ओलीको फोटो राखिएको थियो ।
नेकपामा विवाद भएसँगै गाउँपालिका कार्यालयबाट समेत प्रधानमन्त्रीको फोटो हटाएर प्रचण्डको फोटो टाँसेको पाइएको छ । राष्ट्रपतिको फोटो भने टाँसिएकै छ ।
प्रतिनिधिसभा विघटनपछि गाउँपालिकाका अध्यक्ष र उपाध्यक्षले प्रधानमन्त्री ओलीको फोटो हटाएका प्रत्यक्षदर्शीहरुले बताएका छन् ।
गाउँपालिका अध्यक्ष दिपा बोहोरा दाहाल र उपाध्यक्ष दिर्वसिंह मोक्तानले पूर्वमाओवादीको तर्फबाट राजनीति गरेर चुनाव जितेकाले प्रचण्डको फोटो राखिएको बताएका थिए ।
सरकारी कार्यालयमा राजनीतिक दलका नेताको फोटो राखिएको यो सम्भवत पहिलो पटक हो ।
उपाध्यक्ष मुक्तानले भने प्रधानमन्त्रीको फोटो नहटाएको दावी गरे । ‘अध्यक्ष र मेरो कार्यकक्षबाट फोटो हटाएको होइन’ उनले भने, ‘सफा गर्ने क्रममा प्रधानमन्त्रीको फोटो फुटेको थियो, बनाएर ल्याउँदा ठूलो भएछ, फेरि बनाउन पठाएका छौं । पछिल्लोपटक अध्यक्ष प्रचण्डको फोटो थप टाँस गरिएको उनले जानकारी दिए । नागरिकखबरले यो समाचार लेखेको छ ।
