- ट्रेण्डिङ :
एजेन्सी । भारतीय चलचित्र उद्योग बलिउड अभिनेत्री ज्याकलिन फर्नान्डिजले पहिलो पटक हलिउड फिल्ममा अभिनय गर्ने भएकी छिन ।
उनले हालै हलिउड प्रोजेक्ट साइन गरेपछि यस्तो खुलासा भएको हो ।
ज्याकलिनले अभिनय गर्न लागेको यो फिल्मको नाम ‘विमेन स्टोरिज’ हो । यो फिल्म एन्थोलोजी फिचर फिल्म हुने बताइएको छ।
यसलाई ६ भागमा तयार गरिनेछ। ज्याकलिनलाई लीना यादवद्वारा निर्मित सेगमेन्टमा देखिनेछ।
यसलाई ‘सेयरिङ अ राइड’ शीर्षक दिइएको छ। यसमा ज्याकलिनको साथमा ट्रान्सजेन्डर मोडल अञ्जली लामा पनि देखिनेछिन्।
लीना यादवले यसअघि ‘पार्च्ड’, ‘शब्द’, ‘तीन पत्ती’, ‘राजमा चावल’लगायतका फिल्म निर्देशन गरिसकेकी छन्।
लेर्वोलिनो इन्टरटेनमेन्ट र वी डु इट टुगेदर प्रोडक्सन कम्पनीले बनाउन लागेको फिल्ममा सोले तोग्नाजीले पनि अभिनय गर्नेछन्।
लुसिया पुएन्जो र क्याथरिन हार्डविकले महिलामाथि आधारित यो फिल्म पर्दामा उतार्न निर्देशकका रूपमा एकआपसमा हात मिलाएका छन्।
यसमा विभिन्न क्षेत्रका महिलाहरुको कथा समावेश रहने द इण्डियन एक्स्प्रेसले जनाएको छ ।
