आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
प्रतिनिधिसभा विघटनको विरोधमा नेपाल कम्युनिष्ट पार्टी प्रचण्ड माधव समुहले आज विराटनगरमा शक्ति प्रदर्शन गर्दैछ । सो प्रदर्शनलार्ई सो समुहका अध्यक्ष प्रचण्ड, माधव कुमार नेपाल र झलनाथ खनालले संवोधन गर्नेछन् ।
विराटनगरको जनआन्दोलन चोकमा कार्यक्रम हुने सो समुहको एक नं प्रदेश कमिटिका ईन्चार्ज भीम आचार्यले जानकारी दिए । सभा शुरु हुनु अघि विराटनगरको बरगाछी, तीनपैनी, रोडशेष चोक र हाटखोलाबाट जुलुस प्रदर्शन शुरु हुन लागेको छ । प्रधानमन्त्री केपी शर्मा ओलीले पुस ५ गते प्रतिनिधिसभा विघटन गरेपछि त्यसको विरोधमा पार्टीको बहुमत नेतृत्व आन्दोलनमा छ । आन्दोलनको क्रममा प्रदेशको राजधानी विराटनगरमा प्रदेशस्तरीय विरोधसभा हुन लागेको हो ।
प्रदर्शनमा ६० हजार हाराहारीमा कार्यकर्ता सहभागी हुने सो समुहले दाबी गरेको छ । सभामा प्रदेश भरीका सबै जिल्लाबाट कार्यकर्ता ल्याईएको छ ।
