- ट्रेण्डिङ :
फिल्मी क्षेत्रका अधिकांश कलाकारहरुको हकमा ‘बदनाम हुन तर गुमनाम नहुनु’ भन्ने उपदेश लागु हुँदैन । उनीहरु कुनै न कुनै रुपमा चर्चामा आइरहन्छन ।
त्यस्तै नायिका सुष्मा कार्की पनि अहिले चर्चामा आएकी छिन् । उनी चर्चामा आएको कारण कुटपिट तथा गालीगलौज गरिएको आरोपसहितको उजुरी हो ।
नायिका सुष्मा कार्कीले काठमाडौंको ‘लण्डन पब’ मा आफुमाथि नायिका श्वेता खड्का, उनका पति विजयेन्द्र सिंह, बहिनी आरती खड्का र पत्रकार उत्सव रसाइलीले कुटपिट तथा गालीगलौज गरेको भन्दै महानगरीय वृत्त दरबारमार्गमा उजुरी दिएकी थिइन ।
बुधवार दिउँसो दुवै पक्षलाई बोलाएर प्रहरीले लामो छलफलपछि विवाद सल्टाएको छ ।
महानगरीय प्रहरी वृत्त, दरबारमार्गमा भएको छलफलपछि आरती र उत्सवले गल्ती स्वीकार गर्दै सुष्मासँग माफी मागेका थिए ।
उनीहरुले प्रहरीसमक्ष आवेशमा आएर गल्ती हुन गएको स्वीकार गर्दै सुष्मासँग माफी मागेका हुन् ।
पत्रकार उत्सवले मिडियाको सामु पनि नहुनुपर्ने घटना भएको भन्दै आगामी दिनमा यस्ता खालका विवाद नहुने प्रतिवद्धता जनाए ।
