- ट्रेण्डिङ :
एजेन्सी/प्रजातान्त्रिक सरकारलाई सत्ताच्युत गरेको म्यानमारका सैन्य शासकले सामाजिक सञ्जाल फेसबुक चलाउन निषेध गरेको छ ।
म्यानमारको सञ्चार तथा सूचना मन्त्रालयले फेसबुकको पहुँच फेब्रुअरी सातसम्मका लागि निषेध गरिएको जनाएको छ ।सैन्य शासकले भने ‘स्थिरता’का लागि उक्त कदम चालिएको जनाएको छ ।
यद्यपि कतिपय स्थानमा अझै फेसबुक सञ्चालनमा नै छ । म्यानमारको कुल जनसंख्याको करिब पचास प्रतिशत एक करोड तीस लाख ब्यक्तिको पहुँच फेसबुकमा छ । आन्दोलनरत अधिकारवादीहरुले फेसबुकमा पेज सञ्चालन गरी आफ्नो कार्यक्रम तय गरेर साझा गर्दै आएका छन् ।
फेसबुकले भने पेज पहुँचमा आएको अवरोधबारे जानकारी पाएको र परिवार एवम् मित्रजनसँग सम्पर्कका लागि महत्वपूर्ण माध्यम बनेको फेसबुक पूर्ववत् सञ्चालनका लागि प्रयास भइरहेको जनाएको छ ।
