शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
आश तमु पोखरा - संसद बिघटनको विरुद्द जनता समाजबादी पार्टी नेपालले पोखरामा प्रधानमन्त्री केपी शर्मा ओलीको पुत्ला दहन गरेको छ ।
समाजबादी पार्टी नेपाल कास्कीको आयोजनामा पोखराको अमरसिह चोकमा प्रधानमन्त्री ओलीको पुत्ला दहन गरेको हो । पुत्ला जलाउने क्रममा समाजवादी बिधार्थी युनियन तमुवान प्रदेश कमिटीका सचिव ओम प्रकाश गुरुङ र पर्वत जिल्ला सयोजक तेजेन्द्र भट्टराई घाइते भएका छन ।
प्रहरी सँगको धक्का धक्कीमा विधार्थी नेता गुरुङको दाहिने पाखुरामा चोट लागेको छ भने अर्का नेता भट्टराइको दाहिनेहातमा आगोले पोलेको छ ।
दहन कार्यक्रम पछी कोणसभालाई सम्बोधन गर्दै तमुवान प्रादेशिक समितीका इन्चार्ज रुद्रा बहादुर गुरुङले केपी ओलीलाई भष्माशुरको संज्ञा दिएका छन । "बुद्द जन्मेको भुमीमा ,भगवान नै भगवान पुजिने देशमा केपी ओली भष्माशुरको रुपमा उदाएको छ " उनले भने ।
पुस ५ गते प्रधानमन्त्री केपी शर्मा ओलीले गरेको संसद बिघटनको विरुद्द देश भरीनै लगातार बिभिन्न राजनैतिक दलहरुले संघर्ष गर्दै आइरहेका छन ।
