आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
आश तमु पोखरा - नेकपा प्रचण्ड-नेपाल समुहले म्याग्दीमा गरेको जनसभालाई सम्बोधन गर्दै नेकपा नेत्री रामकुमारी झाक्रीले निरंकुश तवरले असबैधानिक रुपमा सबैधानिक निकाय र आयोगलाई गुटका कार्यकर्ता भर्ती गरेका प्रम ओलीको शक्ति अस्ति २३ गते देखी सक्यौ भन्दै टिपण्णी गरेकी छिन ।
अदालत सनक,आवेग र उक्साहटको साक्ष हुन नसक्ने पनि उनले बताइन। सैद्दान्तिक ,राजनैतिक र सांगठनिक आधार तय नगरी गरिएको पार्टी एकताले समस्या सिर्जना गरेको बताउदै झाक्रीले प्रचण्ड र नेपालले चुप बसेर साढे दुई बर्ष सम्म प्रधानमन्त्रीको गलत क्रियाकलापको बिरोध गर्न नसक्नु कमजोरी भएको टिपण्णी समेत गरिन ।
सर्वोच्च अदालतमा सरकारी वकिलहरुको निरिह बहसले ओलीको शक्ति ओरालो लागेको र निर्वाचन आयोगलए ओलीले बनाएको केन्द्रीय समितीलाई मान्यता नदिनुलाई आफ्नै समुहले पार्टीको आधिकारीता समेत पाउने बताइन ।
प्रतिनिधि सभा बिघटनको बिरोध ,संसद पुनस्थापनाको माग र सबैधानिक निकायको पधाधिकारी नियुक्ती खारेजको माग गर्दै बेनीमा आज बिरोध प्रर्दशन गरिएको थियो ।
जिल्ला प्रशाशन कार्यालयबाट सुरु भएको विरोध र्याली जिल्ला समन्वय समितीको सभाहलमा पगेर सभामा परिणत भएको थियो । विरोध सभामा सहभागी हुन सदरमुकाम आसपासका साथसाथै ग्रामिण भेगबाट समेत नेता कार्यकर्ता बेनी झरेका थिए । भष्ट्रचारीलाई कारवाही सबै नागरिकलाई निशुल्क कोरोना खोप र बिकास निर्माणमा भएको ढिलासुस्ती हटाउन र महँगी नियण्त्रण जस्ता नाराहरु घन्किएका थिए ।
