आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
प्रतिनिधिसभा बिघटनविरुद्ध चौंथो चरणको सडक आन्दोलनमा रहेको नेकपाको प्रचण्ड–माधव समूहले आज स्थायी कमिटीको बैठक बोलाएको छ । आज बिहान ९ बजे स्थायी कमिटीको बैठक पार्टी कार्यालय पेरिसडाँडामा बोलाइएको प्रवक्ता नारायणकाजी श्रेष्ठले जानकारी दिएका छन् ।
पछिल्लो राजनीतिक परिस्थिति बारे समीक्षा गर्न बैठक बोलाइएको जानकारी दिंदै प्रवक्ता श्रेष्ठले वैठकमा अरु नियमित कार्यसूची पनि रहेको बताएका छन् । गत पुस ५ गते प्रधानमन्त्री केपी शर्मा ओलीले प्रतिनिधिसभा विघटनको कदम उठाएपछि सत्तारूढ पार्टी नेकपा विभाजित अवस्थामा पुगेको थियो ।
विभाजित प्रचण्ड–माधव समूह अहिले सडक आन्दोलनमा छ । आजको बैठकमा आन्दोलनको समीक्षा गरिने प्रवक्ता श्रेष्ठले बताए । यसैबीच निर्वाचन आयोगले म्याद गुजारेर आधिकारिकता दाबी गरेकाले अहिले कारवाही गर्न नमिल्ने बताएपछि प्रचण्ड–माधव समूहले बहुमत केन्द्रीय सदस्यहरूलाई नागरिकतासहित काठमाडौंमा उपस्थित हुन सर्कुलर जारी गरेको छ ।
