- ट्रेण्डिङ :
एजेन्सी । ईङ्ग्ल्याण्डका चर्चित फुटबलर डेविड बेकहमको घरमा यतिखेर खुसीको माहौल छाएको छ । उनका जेठा छोरा ब्रुकलिन बेकहमको विहे हुन लागेका कारण सिंगो घर परिवारमा खुसी छाएको हो ।
यो कुराको जानकारी बेकहम पत्नी विक्टोरियाले सामाजिक सञ्जाल मार्फत दिएकी छिन ।
डेविड पुत्र ब्रुकलिन आफ्नी गर्लफ्रेण्ड निकोला पेल्ट्जसंग विहे गर्दैछन । वेकहम परिवारले निकोलालाई बुहारीको रुपमा स्विकारिसकेका पनि छन ।
जसअनुसार उनीहरुको मंगनी पनि भैसकेको छ । यसको जानकारी ब्रुकलिन र निकोला दुवैजनाले सामाजिक सञ्जालमार्फत दिएका छन ।
डेविड वेकहमकी हुनेवाला बुहारी निकोला पेल्ट्ज एक मोडल हुन ।
यसअघि निकोलाको खासै चर्चा नभए पनि बेकहम परिवारसंग जोडिन लागेकाले उनको चर्चा निकै चुलिएको छ । यति मात्रै हैन, उनका पुराना तस्विहरु समेत पुनः भाइरल हुन थालेका छन ।
मोडलिङको दुनियाँमा रमाइरहेकी निकोला फोटोशूटको निकै सौखिन हुन ।
फेसनका नयाँ प्रयोग, प्रवृत्ति र परिकल्पनालाई छिट्टै पछ्याउन रुचाउने निकाला मुड अनुसार कपडाको स्टाइल परिवर्तन गर्छिन ।
