- ट्रेण्डिङ :
म्याग्दी । प्रतिबन्धित नेत्रविक्रम चन्द (विप्लव) नेकपाका मुस्ताङ जिल्ला इञ्चार्ज पदम पुन (फिल्टर) पक्राउ परेका छन् ।
बिहीबार साँझ म्याग्दीको मालिका गाउँपालिका २ बाट पुनलाई इलाका प्रहरी कार्यालय दरवाङको टोलीले पक्राउ गरेको जिल्ला प्रहरी कार्यालय म्याग्दीले जनाएको छ । पुनलाई बिहीबार साँझ नै बेनी ल्याइएको छ ।
राज्यविरुद्धको अपराधमा संलग्न भएको अभियोगमा पुनलाई पक्राउ गरिएको प्रहरी नायब उपरीक्षक श्यामकुमार राईले बताए । पुन विरुद्द एनसेलको टावर, डोजरलगायत निर्माण उपकरणमा आगजनी, चन्दा असुलीलगायतका गतिविधिमा संलग्न भएको प्रहरीको आरोप छ ।
पुन म्याग्दीको मालिका गाउँपालिका ३ का बासिन्दा हुन् । उनी पछिल्लो समय चन्द नेकपाको मुस्ताङ जिल्ला इञ्चार्ज रहेको प्रहरीको प्रारम्भिक अनुसन्धानबाट खुलेको छ । चन्द समूह र सरकारबीच वार्ताको चर्चा चलिरहेका समयमा पुन पक्राउ परेका हुन् । सरकारले चन्द नेकपालाई दुई वर्षदेखि प्रतिबन्ध लगाएको छ ।
