आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
काठमाडौँ नेपाली कांग्रेसका नेता तथा पूर्वमन्त्री नवीन्द्रराज जोशीलाई मस्तिष्कघात भएको छ।
उनलाई बिहीबार राति मस्तिष्कघात भएको हो। राति वीर अस्पताल लगिएका जोशीलाई अहिले थप उपचारका लागि नर्भिक अस्पतालमा भर्ना गरिएको छ।
जोशीको मस्तिष्कमा रगत जमेको र अहिले शल्यक्रिया गरिएको छ।
टाउकोमा सामान्य शल्यक्रिया गरी ड्रेन राखिएको जानकारी चिकित्सकहरुले दिएको जोशीका दाजु एवं कांग्रेस नेता राजुराज जोशीले बताए।
कांग्रेस सभापति शेरबहादुर देउवाले जोशीको शीघ्र स्वास्थ्य लाभाको कामना गरेका छन्।
नेपाली कांग्रेसका युवा नेता, मेरा मित्र तथा कांग्रेस केन्द्रीय सदस्य नविन्द्रराज जोशी बिरामी भएर नर्भिक अस्पतालमा उपचाररत हुनुहुन्छ । उहाँको शीघ्र स्वास्थ्य लाभको कामना गर्दछु देउवाले भनेका छन्।
