- ट्रेण्डिङ :
सत्तारुढ नेपाल कम्युनिष्ट पार्टी (नेकपा) को स्थायी कमिटि बैठक आज बस्दैछ।
पछिल्लो पटक एक साताका लागि स्थगित गरिएको बैठक आज बिहान ११ बजेका लागि बोलाइएको हो।
यसअघि पार्टी भित्रको आन्तरिक विवाद व्यवस्थापन हुन नसकेपछि अन्तिम समयमा आएर बैठक स्थगित हुँदै आएको थियो।
नेकपाका दुई अध्यक्ष केपी शर्मा ओली र पुष्पकमल दाहाल प्रचण्ड र वरिष्ठ नेता माधब कुमार नेपालबीच बिहीबार पार्टीमा देखिएको आन्तरिक विवाद समाधानका लागि भन्दै छलफल भएको थियो।
तीन नेताबीचको सो छलफलले कुनै समाधान दिन सकेको थिएन।
यसअघिका बैठकहरुमा पनि, बैठकअघि दुई अध्यक्षबीच सहमति बनाउन नियमित बैठक बस्दै आइरहेको छ।
