- ट्रेण्डिङ :
एजेन्सी - अन्टार्कटिकामा ब्रन्ट आइस सेल्फबाट बरफको ठूलो हिस्सा शुक्रबार टुक्रिएर अलग भएको छ । यो स्थान बेलायतको साइन्टिफिक आउटपोष्ट नजिकै रहेको छ ।
ब्रिटिश अन्टार्टिक सर्भे (बीएएस) का अनुसार बरफको टुक्रिएको हिस्सा १२७० वर्ग किलोमिटर ठूलो रहेको छ । यसको आकार न्यूयोर्क शहरभन्दा ठूलो रहेको छ ।
बीएएसका अनुसार यो बरफको मोटाइ करीब १५० मिटर रहेको छ । यसमा ठूलो दरार देखिएसँगै वैज्ञानिकहरुले यो ठूलो आइसबर्ग टुक्रिने आशंका जताइरहेका थिए । गत नोभेम्बरमा आइसबर्गमा दरार देखिएको थियो । जनवरीमा उक्त दरार एक किलोमिटर लामो बनेको थियो ।
