आइतवार, कार्तिक १६ गते २०८३
- ट्रेण्डिङ :
- # समाज
- # मनाेरञ्जन
नेकपाको अध्यक्ष माधव कुमार नेपालले प्रधानमन्त्री केपी शर्मा ओली पार्टीको सदस्य नरहेको बताएका छन् । तत्कालिन एमाले र माओवादीको पेसागत महासंघ र नेपाल राष्ट्रिय कर्मचारी महासंघको एकता सभामा बोल्दै नेता नेपालले यस्तो बताएका हुन् ।
उनले पार्टीको विधानअनुसार केन्द्रीय समितिको बहुमत सदस्यले उनलाई कारबाही गरेकाले अहिलेको अवस्थामा ओली नेकपाको सदस्य नहरेको बताएका छन् । उनले आफू संसदीय दलको नेताभन्दै देव गुरुङलाई कारबाही गरेको विषयमा बोल्दै ओलीलाई त्यो अधिकार नरहेको प्रष्ट पारे ।
पार्टीको विधानअनुसार बहुमत सदस्यले अध्यक्ष प्रचण्डलाई संसदीय दलको नेता बनाएकाले त्यो अधिकार प्रचण्डलाई रहेको बताए । एमाले र माओवादी पार्टीको एकता भएपनि अहिलेसम्म महासंघको एकता भएको थिएन ।
उनले सर्वोच्चको फैसला नआउँदासम्म ओलीले विभिन्न झुट बोलेर धेरैलाई भ्रममा पारेकोभन्दै अब निर्वाचन आयोगले निर्णय गर्नुभन्दा पहिले त्यस्तै भ्रम फैलाउँदै हिँडेको बताए ।
