शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
मयुरपाटी न्युज पोखरा - सरकारले पाटन र पोखरा स्वास्थ्य विज्ञान प्रतिष्ठानको कार्यबहाक उपकुलपति नियुक्त गरेको छ। स्वास्थ्य तथा जनसंख्या मन्त्री हृदयेश त्रिपाठीले सोमबार मन्त्रीस्तरिय निर्णय गर्दै कार्यबहाक उपकुलपतिको जिम्मेवारी दिएका हुन्।
पाटन स्वास्थ्य विज्ञान प्रतिष्ठानका रेक्टर डा राजेशनाथ गंगोललाई र पोखरा स्वास्थ्य विज्ञान प्रतिष्ठानका डिन डा नरेन्द्रबहादुर गुरुङलाई कार्यबहाक उपकुलपतिको जिम्मेवारी दिइएको हो।
यसैगरी, कर्णाली स्वास्थ्य विज्ञान प्रतिष्ठानमा डा मंगल रावललाई कार्यबहाक उपकुलपतिको जिम्मेवारी दिइएको छ।
स्वास्थ्य तथा जनसंख्या मन्त्रालय अन्तर्गत संचालित तीनवटा स्वास्थ्य विज्ञान प्रतिष्ठानको उपकुलपतिको कार्यकाल आइतबारदेखि सकिएको हो।
चारवर्ष अघि नियुक्त भएका पाटन स्वास्थ्य विज्ञान प्रतिष्ठानका उपकुलपति प्राडा भरत कुमार यादव, पोखरा स्वास्थ्य विज्ञान प्रतिष्ठानका उपकुलपति प्राडा वुद्धि बहादुर थापा र कर्णाली स्वास्थ्य विज्ञान प्रतिष्ठानका उपकुलपति प्राडा राजेन्द्र वाग्लेको कार्यकाल आइतबार सकिएको हो।
