- ट्रेण्डिङ :
नेपाली कांग्रेसका प्रमुख सचेतक बालकृष्ण खाँडले संसद्वि घटनविरुद्ध सर्वोच्च अदालतको फैसलापछि प्रधानमन्त्री केपी ओली पदमा बसिरहन नहुने तर्क गरेका छन । प्रतिनिधिसभाको शुक्रबारको बैठकमा बोल्दै प्रधानमन्त्रीमाथि नैतिकताको प्रश्न उठेको उनको भनाइ थियो ।
"प्रधानमन्त्रीले विघटन गरेको प्रतिनिधिसभा पुनःस्थापित भएपछि नैतिकता देखाउनुपर्छ कि पर्दैन ?" प्रतिनिधसिभाको शुक्रबारको बैठकमा नेता खाँडले प्रश्न गरे 'सरकारले आफ्नो गलत कदलमको नैतिक जिम्मा लिनुपर्छ कि पर्दैन ? असंवैधानिक कदम भनेर न्यायापालिकाले भनिसकेपछि विधिको शासन मान्छौँ, संविधानवाद मान्छौँ भनेर नैतिक उत्तरदायित्व लिनु पर्छ कि पर्दैन ?
वर्तमान सरकार गठन भएदेखि नै संविधानको मौलिक हक र लोकतन्त्रमाथि प्रहार सुरु गरेको आरोप लगाउँदै अब सरकारसँग सत्तामा बसिरहने नैतिकता समाप्त भएको नेता खाँडले बताए । यस्तै यस सरकारले विचार तथा अभिव्यक्ति स्वतन्त्रतामा पनि प्रहार गर्दैआएको उनको भनाइ थियो ।
सरकारमा रहेका साथीहरु एकपटक छातीमा हात राख्नुस् र संविधान हेरेर भन्नुस् अग्रगमन भएको छ कि प्रतिगमन ? मिडियामाथि प्रतिबन्ध लगाउन मिडिया काउन्सिल विधेयक ल्याएको होइन ? त्यही हो अग्रगमन ? जोसुकैका फोन, मोबाइल, ल्यापटप ट्रयाक गरेर गोपनीयताको मौलिक हकमाथि प्रहार गरेको होइन ? खाँडले प्रश्न गरे ।
