शनिवार, कार्तिक १५ गते २०८३
- ट्रेण्डिङ :
- # समाज
- # मनाेरञ्जन
बंगलादेशमा डुंगा दुर्घटना हुँदा कम्तीमा २७ जनाको मृत्यु भएको छ। करिब एकसय जना यात्रु बोकेको डुंगा बंगलादेशको शितलख्खा नदीमा आइतबार साँझ दुर्घटना भएको थियो।
नदीमा उक्त डुंगा एउटा कार्गो जहाजसँग ठोक्किदा दुर्घटना भएको हो। दुर्घटनास्थल राजधानी ढाकाबाट करिब १६ किलोमिटर दक्षिणपूर्वमा रहेको नारायणगंज जिल्लामा पर्छ।
उद्धारकर्ताहरुले पाँच जनाको शव आइतबार बेलुका नै फेला पारेका थिए। सोमबार अपराह्नसम्म थप २२ वटा शव फेला परेको स्थानीय सञ्चारमाध्यमले जनाएका छन्।
ज्यान गुमाउनेमा १६ महिला, ९ पुरुष र दुई बालबालिका छन्।
